دفتر شموخ لـكـل مالذ وطاب من الوجبات..
بسمـ الله الرحمن الرحيمـ...
السلامـ عليكم ورحمة الله وبركاته..
كيفكمـ ياحلوااتـ..ياطباخات عالم حواء
احمـ احمـ معكمـ الشيفـ.. :cook:( شـــمـــوخ )
حبيت انزلـ لكمـ اليومـ
دفتري قسمـ مممممممـ ماأدري وش اسميه
لكن اقدر اقولـ..قسم الوجبات الرئيسيه والاطباق الساخنه وو يعني كوكتيل..
بس ينفع للعشاء او الغداء مافيه قهوه وفطوور..>>>> جبتي شيء جديد:
ووفيه اللي سويته وفيه اللي سووه صديقاتي وقريباتي
واشياء بسيطه اللي جمعتها من النت..وراح انزله على جزئين..
وبالتوفيق يــــــــــااارب..
ومن الآن اقول :mad:الصور موجوده والله بس ماأعرف انزل صور...
تــــــفــــــضـــــــــلــــــــــوا :heart:
*تـــرتـــيــــلا (شــــمـــــوخ).:23:
.
.
نص كاس لكل من
(سكر، حليب بودره،زيت انا احط ربع يكون احسن)
م ص خميره
حبتين جبن مثلث + شوي ملح
+فلفل بارد اخضر واحمر+ فلفل حار مطحون<<<حسب الرغبه تقدرين تستغنين عنه
+كاس ماء.....
.
.
كلها بالخلاط ثم تعجن بملعقه باكنج بودر وطحين وتترك حتى تخمر
تفرد رهيفه ثم توضع على الصاجه وتحشى حسب الرغبه..
أنا احشيها غالباً..همبرقر اقليه واقطعه اصابع وخس وجبن الهمبرقر
صرااحه كل ماسويتها تعجبهمـ..
* * * * * * *
دجاج على طريقة ( شموخ ) المفضله ...
:23:رهييييبه سويتها لبنات عمي يحسبوني شاويته..
.
.
.
.
دجاج يقطع اثمان والأفضل اصغر
ويتبل...(بصل_ثوم_فلفل بارد_بهارات_ليمون_ملح_
بياله لبن او زبادي_طماطم1_ شي بسيط من الخردل وصلصة الصويا_)
ويترك 1_2ساعه في الثلاجه ...
ثم يقلى بتيفال ويكون الزيت يغطي نصف قطع الدجاج
طولي للنار مدة 5 دقايق ثم غطيه وخليه على نار هادئه
وإذا استوى اقلبي الدجاجه تستوي من الجهه الأخرى
بعدين إذا استوى بخريه بفحم وزيت روووعه كأنه مشوي
واحسن بعد يقدم من الخبز واعواد البطاطس والمشروب لاتنسونه
عندي الصور بس ماأعرف انزل...
وبالعافيه.
****************
§طريقه تورتيلا ام عبود
بصل ،،١فلفل بارد اخضر +أحمر ثلاث أرباع كاس ماء
+٢حبه جبن كيري+نص كاس حليب بودر
ملعقه صغيره خميره ذره ملح
+بياله زيت
.
.
بالخلاط ...
ثم تعجن مع دقيق إلى أن تصبح متماسكه مثل الفطاير..
*****************
مرقه هنديه (جلي جلي)..حلوووووه..
تقدم مع الخبز او الأرز
بصل ، ثوم ، فلفل بارد ، طماطم ، مكعب ماجي
يحمس ثم اضيف دجاج مقطع ،
ومعجون طماطم ، ملح ، ماجي ابيض ،بهارات ،
بهارات حاره(حسب الرغبه)
وبعد الحمس اضيف عليه مويه بس مايتغطى الدجاج
واضيف بطاطس مكعبات اقسدره واخليه لحد ماينضج وتثقل مويته
واسكر عنه
وبالعافيه
* * * * * * * *
*مسقعة مـــــــامـــــــا(( الله يطولي بعمرها ويجزاها الجنه ))
يحمس
(بصل ثوم فلفل بارد ملح)
بعد الحمس اضيف له......
طماطم كبيره مكعبات +معجون طماطم
+مكعب ماجي +ماجي ابيض
وبعد مايذوب اكون سالقه دجاجه بمويه وملح وشوي بهارات
اضيفها على الحمسه +باذنجان مقلي بعدين الباشامل
وبالعافيه
* * * * * * * * *
* فطاير على الصاج<<<< ماجربتها بس شكلها حلو.
.
.
]
أولا: شغلي النار تحت الصآج وامسحيها بشوية زيت
ثانيا: في الخلاط:
كوب ماء
كوب دقيق
ربع كوب زيت
٣ ملاعق حليب بودرة
بيضة
ملح - فلفل أسود
عصرة ليمون لتخفي رائحة البيض
<< يكون معك خليط سآيل ..
زيدي النار تحت الصآج . وخذي مغرفة من الخليط واعملي أقراص رقيييقة ..
ولما تنشف الأقراص شيليها من الصاج إلى الحافظة (ابك يآلشرح خخخ)
يعني تحمر من جهة وحدة بس.
(لاتقلقي لو انعفست الأقراص وتشققت وراحت معالمهآ.. فهكذا هي أول دفعة دائما :) )
بعد ما تكملي تقريص الخليط كله ..
جهزي حشوتك ( دجاج - جبن أبيض - خضآر ...)
أحضري القرص واجعلي الوجه المحمر من القرص للأعلى ..
وضعي الحشوة ولفففي .. وهكزا وهكزا،،
ثم .. حطي اللفائف اللي لفيتيهآ :) -الفطآئر- على الصآج
وزييييدي عالنآر وقلبي الفطائر بشوييش وحممريها حتى تقررمش .. يممي ()
وضعيها في صحن التقديم...وادعو لي ..
وبالهنآ والشفا ..
* * * * * * * * * *
حشوة خضار صراحه حلووووه شويه عليها اخذتها من مرت عمي.
.
.
يحمس بصل ناعم +طماطم +معجون + فلفل بارد
وقبل لايذوب اضيف له بطاطس وجزر وكوسه<مبشور>
اضيفي ملح وفلفل والبهارات اللي تحبين بس لاتكثرين
وخلي الخضار حتى الذوبان
بعدين اضيفي له جبن سايل اومثلث او كيري وحركيه وسكري عنه
لفيه في تورتلا او اللي تحبي...
انا استخدمت ترتلا رغد الأبيض كأنه خبز على الصاج
ودهنته جبن وحشيته وطلعت رهيييبه
* * * * * * * * *
طريقة حمص نونو
.
.
.
.
.
علبة قشطه
علبة حمص كرتون مثل معجون الطماطم
ملعقتين جبن كرافت
طحينه تحطين منها لحد مايصير القوام زين
وشوي ثوم مبشور<<<طبعا حسب رغبتك إذا تحبيه او لاء
*****************
صوص شاورما...
(1)مرررره حاجبني لايفوتكمـ..
(جبن سايل+مايونيز+خردل+طحينه)
تخلط ويدهن بها الخبز المفرود او الصامولي او قرصان الديره ويحشى دجاج الشاوما
(2)
مايونيز_ثوم_خردل_زبادي _ليمونه
تخلط إما للشاورما او مع الدجاج المشوي
(3)
بالخلاط
(ثوم_زبادي_جبن سايل_مايونيز_فلفل اسود_ ملح
( 4 )
صلصه تقدم مع المشويات و المقليات
كوب من المايونيز
ملعقة طعام من مخلل الخيار المفروم ناعما
ملعقة صغيرة من البقدونس المفروم ناعما
ملعقة صغيرة بصل مفروم
ملعقة زيت زيتون
ملعقة عصير ليمون
ملح حسب الرغبة
نسكب جميع المقادير في زبدية و تبرد لمدة نصف ساعة ثم تقدم.
وبالعافيه..
*****************
صوص للسلطه..
( 1 )
صوص رهييييييييب <<<<<بنت عمي مجربته انا عن نفسي ماحب الصوص مع السلطه
.
.
.
٢ زبادي
نص علبه كبيره لبنه
٣ملاعق مايونيز
٣ملاعق جبن سايل
٢ملعقه طحينه
ملح بهارات
واخلطيها وزينيها بالسماق
(2 )
صوص سلطه..
زبادي
مايونيز
خردل
صلصه فرنسيه
خل
شوي زيت زيتون
ملح
طحينه
وبالهناء..
****************
صوص الربيان <<<< طريقة نوره.
علبتين زبادي
وملعقتين الي ثلاث ملاعق طحينه سايله
وفنجال مويه
وشوي ملح وفلفل
************
سلطه»
بما اني حطيت صوص سلطه قلت خل ننزل سلطه
اسلقي مكرونه بمويه وماجي وشوي زيت عشان ماتلزق
بعدين صفيها وحطيها بصحن وإخلطي معها (مكعبات خيار وجزر وبقدونس )
بعدين حطي جبن البيتزا التشدر قليل مع ملعقه كبيره مايونيز
ورشه فلفل وحركيه سوآ
************
طريقه كباب نونو..
دجاج مفروم.بصل مفروم.
ثوم.فلفل اخضر.بياض بيضه.بقسماط.
كمون.كزبره.قرفه مطحونه.ملح,,
ثم يشكل وبامكانك عمله ع الصاج او صينيه بالفرن..
*******************
ورق العنب طريقة نوره..
الحشوه:
احمسي بصل وثوم مفروم وحطي عليها طماط وماجي
وبقدونس والرز المصري <تكونين منقعته قبل نص ساعه
وإذا لانت الحبه ابدي حشيه
وإذا صفيتيه اضيفي كآس ليمون ودبس الرمان
وزيت زيتون وماء وبس
****************
لفائف البتزا...
٢ك دقيق ٣ك مويه ٤ملاعق حليب ٢بيضة ملح
نصف ساعة لترتاح ثم يدهن القالب بالزيت
ونضع ٣ملاعق من المقدار للتتحمر
ثم تحشى دجاج وصلصة البتزا
************
*أفخاذ الدجاج اللي هابله بنت عمتي>>>> بس ماذقتها
تفرد السبرنغ رول او(بف باستري)
وتقطع نصين وتلف بشكل أسطوانه مفتوحه مع فوق
وتدخل داخلها أصبع بطاطس
وتحشى بحشوة دجاج
وتغمس ببقسماط وبيض وتقلى بالزيت..
* * * * * * * * *
طريقة نونو في السمكـ..
(1)
ست سمك.
ست م زيت زيتون,
نص ك مايونيز,
م خردل,
م ثوم,
ملعقتين صويا,
ملح وبهار .
ماجي.
يخلط المايونيزوالخردل والصويا.
والثوم والملح والبهار
تفرك الشرائح بالسابق و
تحفظ في الثلاجه لمده ثلاث ساعات
يحمى زيت الزيتون في مقلاه وتشوى ع الوجهين لمده ثلاث دقائق
ثم تصف في صينيه فرن وتخبز لمده ست دقائق
*****************
تتبيله خطيره <<<<<< طريقة نونو
(2)
شرائح سمك.
علبه زبادي.ملعقتين طحينه.
ملعقتين مايونيز..
ملعقه خردل.فنجال ليمون.
ملعقه ثوم.رشه فلفل.
ملح.ماجي ابيض,
بهارات مشكله..
*************
(3)
اوصال السمك..يقطع صغيرا سمك الفيليه..
بعدين بالخلاط التتبيله..
فلفل بارد,طماط,بصل,ثوم يكون كثير للنكهه,
بهارات من جميع الموجود عندك.
ملح.ماجي ابيض.وشوي مويه لمجرد تحريك الموجود بالخلاط
بعد ماتخلطيه اسكبيه ع السمك واتركيه ساعه
بعدين جيبي اعواد الخشب واغرسي شريحه بصل بعدين سمك بعدين شريحه طماط وهكذا
بعدين ادهني تيفال بزيت زيتون
ووزعي الاسياخ بعدين اسكبي باقي التتبيله ع السمك وغطيه بالقصدير
وشغلي الفرن من تحت ودخلي التيفال واتركيه لحد ماتشمي ريحته
بعدين سكريه واذا جاء وقت الوجبه
حمريه من فوق ودخنيه بجمره وزيت
وبالهناء والشفاء ممكن تسوي معاه حمص وبطاطا مقليه..
**************
خلطه لآي صينيه
ثلاث م مايونيز بالثوم,ثلاث م جبن سايل,ملعقتين زبادي,م طحينه,,كركم,بزار,فلفل,بقدونس)
*************
كوووووودو خيااااااال،،<<<< طريقة ميمي الله يسعدها
بصل وفلفل بارد يحمس ثم يوضع عليه دجاج مكعبات،،
بالخلاط ...طماطم نص ليمونة ملعقة كاتشاب وملعقتين صلصة وملعقة شطة
و٢فنجان موية وملعقة زيت زيتون ،، ثم على الدجاج ،،
على نااار هااااادية و يضاف له مكعب ماجي ،،
تطبخ لحد ماتكون ثقيلة،،
والف صحة وعافية
*******************
صينية اختي...<<<<< العجازه
:
ط ١
بطاطس مسلوقه مقطع شرائع مع البهارات
ط٢
دجاج ع حسب الرغبه مثل شاورما
بعدين حطي ع الدجاج جبن موزريلا
ط٣
حطي البطاطس المسلوق الباقي
بعدين حطي بالخلاط ١قشطه مع شوي ملح وشوي فلفل اسود
و٣ملاعق جبن سايل وصبيه فوق البطاطس
بعدين حطي ع الخلطه جبن موزريلا
دخليه الفرن من تحت ٥دقائق
ومن فوق لين يتحمر
وبالعافيه
*****************
طريقه الكشري..<<<< طريقة نونو
(يسلق كلا من..
ارز بشاورويفضل تسوينه مثل ماتسوين الغداء علشان يكون الذ,
مكرونه,عدس ابو جبه,وكلهم يكونون نصف استواء..
بعدين جيبي بصل وقطعيه بالطول وكثريه واقليه..
بعد ماتخلصين من كل شي اشخلي ( صفي ) كل شي لحاله
وجيبي تيفال او اي شي وانثري شوي من البصل المقلي
بعدين طبقه من الارز
بعدين طبقه من المكرونه
ثم طبقه من العدس وهكذا....
بالنهايه غطيه بالبصل المقلي..
واخيرا يسكب الصوص عليه ويترك على نار هادئه جدا لمده ساعه
ويقدم وبالعافيه ع قلوبكم..
..الصوص...يسكب على الكشري..
(قطعي بصل وطماط فلفل اخضر ع حسب الرغبه اذا تفضلون حار اوبارد,
وثوم اختياري..
واتركيه ع النارمع اضافه ملح وماجي ابيض
وفلفل اسود وكمون وزيت وشوي معجون طماط..
واذا انحمس
اخلطيه بالخلاط مع شوي مويه لمجرد تحريك الخلاط
ويسكب ع الكشري
*****************
*عجينه سريعه <<<<<< من احدى الأخوات
كاس دقيق وعلبة قشطه وتحشى بداخلها جبن وتقلى بالزيت..
* * * * * * *
*(بيتزا التويست شهية وسهله تنفع للزنقات)
تقطعين التويست أرباع أو دوائر وتكونين مجهزه كشنتها
وتدهنينها بالتويست وتخلطين باقي أغراض البيتزا وتقدمينها.
* * * * * * * * * * *
* (تتبيلة وحده من البنات للحم أو الدجاج)
زبادي قليل الدسم أو منزوع / ملعقة صغيرة معجون طماطم /
2 فص ثوم / نص بصلة صغيرة / قليل من زنجبيل /
ملعقة صغيرة خل أو عصير نص ليمونة / كاري /
فلفل أسود / ملح / هيل ناعم / قرفة ( دارسين ) /
باربيكيو /
تخلط المقادير كلها بالخلاط وتخمري فيها قطع الدجاج أو اللحم6 ساعات.
* * * * * * * *
* (المنتو الصيني)ماجربته
رقائق سبرنق رول - لحم مفروم - بصل - طماطم - قليل ملح - ملعقتين جبنة سائحة .
الطريقة:
يقطع البصل و الطماطم إلى شرائح ويرص على صينية بايركس
تفرد كل قطعة رقاق بالطول وتحشى باللحم وتلف بدون أن تقفل،
ثم ترص في الصينية إلى جانب بعضها البعض بدون فراغات إلى أن تمتلئ كل الفراغات
ثم تحل الجبنة في كاس ماء وتصب على الصينية بالتساوي
ثم ترص عليها باقي حلقات البصل والطماطم المتبقية
وتغطى الصينية بالقصدير
وتوضع في الفرن إلى أن ينضج
و يقدم وبالهناء و العافية
* * * * * * * *
*(بيتزا رول بالبف باستري)<<<<ماجربتها
المقادير:
عجينة البف باستري حجم كبير ،
صلصة طماطم ، بقدونس مفروم ، جبن شيدر مبشور.
الطريقة:
تفرد العجينة وتدهن بصلصة الطماطم ، والبقدونس
وفي الأخير نضع جبنة الشيدر،
ثم تلف على شكل رول، وتقطع بالسكين،
وتوضع في الصينية وتضغط باليد ،
توضع في الفرن تقريبا 15-20 دقيقة.
* * * * * * * *
*(صلصة لذيذة مع الأرز)
بصلة - 3حبات طماطم -2فص ثوم-
3قرون فلفل اخضر حار- ملعقة معجون طماطم-3
ح ليمون-ملح-فلفل اسود -كمون- مقدار من الزيت.
نفرم البصلة فرم ناعم.نضعها على النار مع الزيت.
نتركها لتذبل ثم نضع الثوم الناعم ونحركه جيدا مع البصل
ونفرم الطماطم ونضعه على البصل ونضيف الفلفل الأخضر
ومعجون الطماطم عليها
ونترك الخليط يتسبك.
نأخذ نصف المقدار ونخلطه في الخلاط ثم نعيده للمقلاة ونحركه.
نضيف عصير الليمون والملح والبهارات
ونترك الصلصة تبرد ونضعها في برطمان بالثلاجة ونستخدمها عند الحاجة...
الليمون والفلفل الأخضر يضاف حسب ذوقك .
* * * * * * * *
* (تبوله بالباذنجان)
4 باذنجان مشوي بالفرن
نص علبة زبادي
ملعقتين كبيره طحينه سايله
3 فص ثوم
ملعقه مايونيز
ملعقه زيت زيتون
ملح
ليمون
تخلط جميع المقاديربالخلاط
* * * * * * * * * *
كفتة البطاطس بالدجاج...
المقادير
بطاطس مقطع صغار ومسلوق (بماء وملح)
بقدونس (مقطع)
صدرين او ثلاثه دجاج منتف
فلفل اسود
ملح
بيض
بقسماط
الطريقة ::
بعد ماتسلقين البطاطس شيليه واهرسيه
وضيفي عليه الدجاج المفروم والبقدونس
ورشة ملح ورشة فلفل اسود واخلطي المقادير كلها مع بعض
بعد ماخلطنا المقادير مع بعض نكورها
وبعدها نغمس الكرات في بيض وبعدها في بقسمآط
نجهز مقلاة في زيت غزير شوي ونخليه يسخن
ونبتدي نقلي الكفته فيه..
وووبالعافيه...
************
صينيه عشاء وانتي مستعجله..
يحمس بصل شرائح وفلفل بارد وثوم
ثم يضاف عليه طماطم شرائح وشوي معجون طماطم وبهارات وملح
ويترك على نار هادئه مدة 10دقائق
ثم يضاف إليه الدجاج ويكون مقطع أثمان والبطاطس حلقات وكوسه واللي تحبي
ويخلط ثم يقصدر
وبالفرن من تحت على نار هادئه حتى ينضج ثم يحمر من الأعلى وبالعافيه..
****************
صينية قوالب البطاطس...
نسلق بطاطس ونفرمها ونضيف لها بهارات وملح,
نغلف فنجال بنايلون ثم نضع البطاطس حتى ياخذ شكل الفنجال
ونضع الحشو أما دجاج أو لحم مفروم أو خضار مقلية
ونغطيه بالبطاطس ثم يقلب في صينية بايركس ويسكب عليه باشميل .
ويدخل الفرن من تحت ثم من فوق .
الباشميل:3
ك ماء+4م حليب بودره+1م نشاء+3م دقيق+3م زيت+
2م جبن سائل+شريحتان جبن شيدر
تخلط جميع المقادير في الخلاط ثم توضع على النار حتى تثقل..
********************
صينية بدور<<<<تقول انها حلوه مادري عنها..
تقلين باذنجان وبطاطس وزهره
ضعي عليها ذره ( وحسب الرغبه خيار وفلافل )
ثم اضع البشامل جبن وقشطه وتحمر
ثم بالصحه والعافيه على قلوبكم ...
******************
صينية نونو..
صدور تقطع بالطول وبصل جوانح
وفلفل ملون جوانح وثوم ناعم وزنجبيل مبشور
يحمس الدجاج بقليل من الزيت ويوضع عليه البصل والفلفل الملون ويقلب
ويوضع عليه ماجي وبهارات ويقلب
وبعدين نقطع بطاطس طوال وجزر وكوسه وتقلى نص قلي
وتوضع مع الدجاج وتقلب وتوضع ببيركس ويوضع عليها
نص كاس قشطة خفق وجبن سايل ملعقتين ومايونيز ملعقتين
وترش بجبن موزريلا وبالفرن ربع لنص ساعه
وبالعافيه
*************
صينيه الدجاج..
تقطعين بصل جوانح وطماطم مربعات وثوم
يحمس بشوي معجون طماطم وبهارات كاري وفلفل وملح
بعدين يوضع الدجاج قطع صغير ويقصر له عشان تطلع مويته
إذاخلص يخلط قشطه وجبن سايل عشردقايق
آخرشي بقدونس وكزبره مقطع ويقدم
***************
صينيه بيتزا البطاطس لذيذه امممممم
طبقه بطاطس دوائربعدين الطماطم والفلفل البارد دوائر
والزيتون الاسود والاخضر بس لاتكثرين
بعدين باقي البطاطس فوق الطبقه بعدين الجبن المبشور
وبالفرن من فوق حتى يتشقر
**************
الدجاج المحشي على الطريقه التركية<<<< أخذتها من النت بس ماجربتها شكلها حلوه
المقادير ...
1 دجاجه كبيره
كوب أرز
2 /1 كوب زيت نباتي
2 كوب ماء مغلي
1 بصل
2 ملعقة طعام صنوبر
2 ملعقة طعام زبيب
1ملعقة شاي نعناع مجفف
1 ملعقة شاي قرفة
ملح + فلفل أسود
طريقة التحضير:
اغسلي الدجاجة جيداً من الخارج والداخل ثم تبليها بعصير الليمون والملح والفلفل الأسود.
ضعي الزيت في قدر على النار واضيفي له البصل المفروم وقلبيه حتى يصبح لونه ذهبي
ثم اضيفي الأرز بعد غسله واضيفي البهارات وقلبي المحتويات على نار متوسطه
ثم اضيفي الماءالمغلي واتركيه حتى ينضج.
.أحضري الدجاجه واحشيها بالرز ثم اغلقي الفتحه بأعواد الأسنان
بعد ذلك ضعيها في كيس الفرن وادخليها في فرن حرارته 160 درجة مئويه
واتركيها لمدة ساعة حتى تنضج تماما.
وبالعافيه على قلوبكمـ..
*********************
الخبز الفرنسي بالجبنة و الخضار <<<<<< من صديقتي ماجربتها..
المكونات والمقادير
خبز فرنسي مقطع حلقات
جزر مبشور
فلفل رومي مقطع مربعات صغيره
2-3 ملاعق مايونيز
جبنه فيلادلفيا او علبه جبنه كيري
طريقة التحضير
اخلطي الجزر+الفلفل الرومي+ مايونيز + جبنه
تخلط مع بعض وضعيها على حلقات الخبز ثم ادخليها بالفرن لمده 5-10 دقائق بالفرن
ثم اخرجيها من الفرن
ملاحظه تاكل حاره مع الشاي
وبالهناء والعافيه
**************
لاتــــحــــــرمــــونــــي دعــــــواتـــــكـــــمـ....:26:
فــي آمــان الله..:icon35:
انتظروا :cook: الجزء الثاني بإذن الله
طابت لكمـ الأيام والليالي وأسكنكم الله في المقام العالي
لاإله إلا أنت سبحانك إني كنت من الظالمين
هدفي في الحياة رضى الإله
شــمــوخ بنيـهـ @shmokh_bnyh_4
عضوة نشيطة
يلزم عليك تسجيل الدخول أولًا لكتابة تعليق.
يسلمويسلمو
تسلمييييييييييييييييييييييييييييييييييييييييييييييييييييييين:27:
الصفحة الأخيرة
روووووووووووووووووووووووعه
الله يعطيك العافيه يالغلا